प्रतिनिधिसभाको बैठक सोमबारसम्मलाई स्थगित
२४ असार २०८० १५:०४
फाइल तस्बिर।
संघीय संसदअन्तर्गत प्रतिनिधिसभाको बैठक सोमबारसम्मलाई स्थगित भएको छ।
संसद सचिवालयले सूचना टाँस गरेर सोमबारसम्मलाई बैठक स्थगित भएको जनाएको हो।
यसअघि दिउँसो १ बजेलाई तय बैठक ३ बजेलाई सारिएको थियो।
आजै प्रतिनिधिसभाको अवरोध खुलाउन प्रधानमन्त्री पुष्पकमल दाहाल ‘प्रचण्ड’ सहित तीन दलका शीर्ष नेताबीच छलफल भएको थियो।
प्रधानमन्त्री प्रचण्डले गत असार १८ गते बोलेको अभिव्यक्तिबारे प्रस्टीकरण दिने बताएपछि अवरोध खुलाउन एमाले सहमत भएको थियो।
तर, राष्ट्रिय स्वतन्त्र पार्टी, राष्ट्रिय प्रजातन्त्र पार्टीको मागका विषयमा छलफल गर्नुपर्ने भएपछि बैठक सूचना टाँस गरेर स्थगित गरिएको बताइएको छ।
प्रतिक्रिया