अपाचे ओनर्स ग्रुप (एओजी) द्वारा मार्सल मिटका साथै एनिभर्सरी राइड सम्पन्न
११ असार २०८० २०:४०
‘सामूहिक प्रहलद्वारा सबथोक सम्भव छ’ भन्ने भावनालाई बाइकिङ कल्चरमार्फत युवाहरुको मनमा स्थापित गर्ने लक्ष्यका साथ सुरूवात गरिएको अपाचे ओनर्स ग्रुप (एओजी) ले असार ८ गते शुक्रबार मार्सल मिट र असार ९ गते आफ्नो एनिभर्सरी राइड कार्यक्रमहरू भव्यताका साथ सम्पन्न गरेको छ ।
एओजीद्वारा नक्सालस्थित क्राउन प्लाजा होटलमा आयोजित मार्सल मिटमा देशभरबाट १५ जना मार्सलहरूको सहभागिता रहेको थियो । उक्त कार्यक्रममा देशभरबाट आएका सबै मार्सललाई हेड मार्सल गौरव कुमार पाठकमार्फत सवारीसम्बन्धी जानकारी र सुरक्षित यात्राका लागि आवश्यक तालिम प्रदान गरेका थिए। तालिमले अपाचे ओनर्स ग्रुपलाई अझ बलियो बनाएको र तालिमप्राप्त मार्सलद्वारा नेतृत्व गरिने भविष्यका राइडहरू थप सुरक्षित र रमाइलो बन्ने निश्चित भएको कम्पनीले जनाएको छ । नेपाली युवाहरूमाझ रहेको बाइकिङप्रतिको प्रेमलाई एओजीमार्फत एक बनाउँदै एकआपसमा भाइचाराको भावनालाई प्रोत्साहन गर्नका निम्ति टीभीएस लामो समयदेखि लागिपरेको छ ।
त्यसैगरी कम्पनीले आन्तरिक पर्यटन प्रवर्द्धनको लक्ष्यका साथ आफ्नो एनिभर्सरी राइड पनि भव्यताका साथ सुसम्पन्न गरेको छ । ७० भन्दा बढी राइडरहरूको सहभागिता रहेको काठमाडौंको भृकुटीमण्डपस्थित नेपाल पर्यटन बोर्डको अफिसबाट सुरू भएको उक्त राइड मिनी इलाम, भोटेचौर पुगेर पुनः साँझ काठमाडौंमै फर्किएर समापन गरिएको थियो ।
उक्त कार्यक्रममार्फत केही समयअघि एओजीद्वारा आयोजित मार्क्यु राइडमा सहभागी भेटरान राइडर्स तथा मोटो भ्लगर्स विजय मोक्तान, प्रमोद श्रेष्ठ (गुफी), अवशिस ओझा र सागर थापालाई सम्मान पत्रका साथै मायाको चिनोसहित सम्मान गरेको थियो । साथै समस्त सहभागी राइडरहरूलाई पनि मायाँको चिनो तथा गिफ्ट ह्याम्पर बाँडेको थियो ।
स्थापनाको पहिलो वर्षमै अपाचे ओनर्स ग्रुपले देशभरबाट ३००० भन्दा बढी सदस्यहरू बटुल्न सफल भएको छ र हालसम्म च्याप्टर र मार्शल राइड गरि ४२ वटा राइडहरू सफलतापूर्वक सञ्चालन गरिसकेको छ । त्यसमध्ये चित्लाङसम्मको नाइट राइड र ७००० किलोमिटर लामो अन्तर्राष्ट्रिय राइड पनि रहेको छ।
एओजी बाइकिङ कल्चर प्रवर्द्धननकै निम्ति नेपालका लागि टीभीएसको आधिकारिक वितरक जगदम्बा मोटर्सले गठन गरेको एक ग्रुप हो । कम्पनीले एओजी राइडमा सहभागी राइडर्सको गु्रप च्याट पनि भाइबरमार्फत स्थापना गरेको छ । सो च्याटमा आफ्नो बाइक वा राइडसम्बन्धी कुनै पनि समस्या पर्दा सहजै समाधान प्राप्त गर्न सकिने कम्पनीले जानकारी दिएको छ ।
बाइकिङबाट समाजिक कार्यमा सहयोग पुर्याउने र युवाहरुलाई एक अर्कासँग जोड्ने एक प्रभावकारी समूहका रूपमा टीभीएसले अपाचे ओनर्स ग्रुप (एओजी) लाई विगतको एक वर्षदेखि अघि बढाइरहेको छ । स्थापना कालदेखि नै यस ग्रुपले विभिन्न आकर्षक र मनोरञ्जनात्मक कार्यक्रमहरूमार्फत युवाहरूको बाइकिङप्रतिको लगावलाई प्रोत्साहन दिँदै सामाजिक कार्यहरूमा पनि संलग्न रहँदै आएको छ ।
जगदम्बा मोटर्स प्रालि नेपालमा टीभीएसका दुईपाङ्ग्रे सवारी साधनको एक मात्र आधिकारिक वितरक हो । देशभर १४० भन्दा बढी डिलरहरूको बलियो सञ्जालका कारण टीभीएसले बजारमा आफ्नो मजबुत पकड बनाउन र ग्राहकहरूलाई सन्तुष्ट बनाउन सफल भएको छ । गुणस्तरीय उत्पादन, नवीन टेक्नोलोजीको प्रयोग, बिक्रीपश्चातको उत्कृष्ट सेवा र देशभर जगेडा पार्टपुर्जाहरूको उपलब्धताका कारण नै टीभीएस आज नेपालको सर्वाधिक रूचाइएको टु-ह्विलर ब्राण्डका रूपमा स्थापित हुन कम्पनीको दाबी छ।
प्रतिक्रिया