वान एक्स बेटको प्रवर्द्धन आरोपमा युट्युबर राजकुमार तामाङ पक्राउ

वान एक्स बेटको प्रर्वर्दधन गरेको आरोपमा अर्का एक युट्युबर पनि पक्राउ परेका छन्। काठमाडौं उपत्यका अपराध अनुसन्धान कार्यालयले युट्युबर राजकुमार तामाङलाई पक्राउ गरेको हो।

उनी युट्युबमा राजकुमार थापामगरको नामबाट परिचित छन्। काभ्रे घर भई काठमाडौंको बूढानीलकण्ठ बस्ने २२ वर्षीय उनलाई प्रहरीले कपनबाट गत शुक्रबार पक्राउ गरेको हो।

उनले पनि वान एक्स बेटिङको प्रचारप्रसार गरेको आरोप छ। थापामगर युट्युबमा मोटो–ब्लगिङ गर्थे।

यसअघि प्रहरीले आठ जना कलाकार एवं युट्युबरलाई पक्राउ गरेको थियो। उनीहरूले वान एक्स बेट खेलाउन उक्साउने गर्थे।