सवारी दुर्घटनामा बिते स्याङ्जाको चापाकोट नगरपालिकाका पूर्वमेयर गिरी
२ असार २०८० १३:०१
गए राति स्याङ्जामा भएको सवारी दुर्घटनामा चापाकोट नगरपालिकाका पूर्वप्रमुख शिव गिरीको मृत्यु भएको छ।
बा १५ च १७०९ नम्बरको ‘स्करपियो’ अनियन्त्रित भई दुर्घटना हुँदा प्रमुख गिरीको मृत्यु भएको जिल्ला प्रहरी कार्यालय स्याङ्जाका प्रवक्ता रवीन्द्र खनालले जानकारी दिए।
चापाकोट-४, दार्सिङ बस्ने ६० वर्षीय गिरीलाई जिल्ला अस्पताल स्याङ्जाले ११:४० मा मृत घोषणा गरेको थियो।
राङखोलाबाट स्याङ्जातर्फ जाँदै गरेको स्कारपियो गए राति ११ बजे पुतलीबजार-१०, राङखोलास्थित सिद्धार्थ राजमार्गमा दुर्घटनामा परेको थियो। प्रहरीले पुतलीबजार-९, कोल्मा बस्ने ३२ वर्षीय सवारी चालक सूरज नेपाली तथा स्कारपियो नियन्त्रणमा लिएको प्रवक्ता खनालले बताए।
प्रतिक्रिया