बजेटकै कारण सरकार ढल्दैन : माधव सापकोटा

सत्तारूढ नेकपा (माओवादी केन्द्र) का सांसद माधव सापकोटाले बजेटकै कारण सरकार नढल्ने बताएका छन्।

सत्तारूढ दलहरूले नै बजेटको विरोध गरिरहेका बेला उनले सोही कारण सरकार नढल्ने प्रतिक्रिया दिएका हुन्।

आइतबार संघीय संसद भवन परिसरमा सञ्चारकर्मीहरूले राखेका जिज्ञासाको जवाफ दिने क्रममा सांसद सापकोटाले बजेटको विषयलाई लिएर सत्तारूढ गठबन्धनभित्र केही गुनासो भए पनि त्यसलाई सम्बोधन गरेर अघि बढ्ने बताए।

सांसद सापकोटाले सरकारले भारतसँग रहेका असमझदारीहरू हल गर्दै जानुपर्ने बताए।