शंकास्पद बिलबिजकसहित साढे दुई करोड बढीको औषधि तथा खुद्रा सामान बरामद
२४ जेठ २०८० १५:२७
काठमाडौं- पर्सा प्रहरीले बिलबिजक शंकास्पद रहेको ट्रकमा लोड गरिएको साढे दुई करोड रुपैयाँमाथिको औषधि तथा खुद्रा सामानहरू बरामद गरेको छ।
बिलबिजकभन्दा बढी औषधि तथा खुद्रा सामानहरू बोकेको ना ७ ख ५८५२ नम्बरको मालवाहक ट्रक वीरगञ्जबाट काठमाडौंतर्फ आइरहेको सूचनाका आधारमा खटिएको प्रहरीले सो मालसामान बरामद गरेको हो।
मंगलबार राति १० बजे वीरगञ्ज महानगरपालिका-१६, रजतजयन्तीस्थित सडकखण्डमा ट्रकलाई रोकेर चेकजाँच गर्दा शंकास्पद बिलबिजकसहितको २ करोड ५५ लाख ३२ हजार ७७४ रुपैयाँ बराबरको मालसामान बरामद भएको हो।
नियन्त्रणमा लिइएको ट्रक र बरामद मालसामान थप अनुसन्धान तथा कारबाहीका लागि बुधबार राजस्व अनुसन्धान कार्यालय पथलैया, बारामा बुझाइएको जिल्ला प्रहरी कार्यालय पर्साले जनाएको छ।
सम्बन्धित समाचार
प्रतिक्रिया