कृषिविज्ञ मदन राईविरुद्ध बाल यौन दुरुपयोग कसुरमा ७ दिन म्याद थप

यौन दुर्व्यहवार आरोपमा पक्राउ परेका कृषिविज्ञ मदन राईलाई थप ७ दिन हिरासतमा राख्न जिल्ला अदालत खोटाङले अनुमति दिएको छ।

जिल्ला प्रहरी कार्यालय खोटाङका प्रहरी नायब उपरीक्षक मञ्जिल मुकारुङले राईलाई ७ दिन हिरासतमा राखेर अनुसन्धान गर्न अदालतले आइतबार अनुमति दिएको जानकारी दिए।

खोटाङको दिक्तेल रूपकोट मझुवागढी नगरपालिका-२, सोल्मास्थित शुभद्रा मदन (शुभम) फाण्डेशनका संस्थापक ७५ वर्षीय राईलाई गत शुक्रबार प्रहरीले नियन्त्रणमा लिएको थियो।

उनले आफूद्वारा सञ्चालित फाण्डेशनमा रहेर अध्ययन गर्ने बालिकाहरूलाई यौन दुर्व्यवहार गरेको आरोप लागेको छ।