एसीसी प्रिमियर कप विजेता टोलीलाई प्रधानमन्त्रीको बधाई
१९ वैशाख २०८० १२:३७
फाइल तस्बिर।
प्रधानमन्त्री पुष्पकमल दाहाल ‘प्रचण्ड’ ले एसीसी प्रिमियर कपको उपाधि जित्न सफल नेपाली राष्ट्रिय क्रिकेट टोलीलाई बधाई दिएका छन्।
उनले खेलाडीहरूको योगदानप्रति उच्च सम्मानसहित सरकारको तर्फबाट थप प्रोत्साहन र पुरस्कृत गर्ने प्रतिबद्धता पनि व्यक्त गरेका छन्।
मंगलबार कीर्तिपुर मैदानमा भएको फाइनल खेलमा नेपालले यूएईलाई ७ विकेटले हराउँदै प्रतियोगिताको उपाधि जितेको हो। यससँगै नेपालले एशिया कपमा स्थान बनाएको छ।
आगामी सेप्टेम्बरमा हुने एशिया कपमा नेपालले भारत र पाकिस्तानसँग खेल्नेछ।
प्रतिक्रिया