साढे ७ लाख बढी नक्कली नोटसहित धनुषामा महिला पक्राउ
१२ वैशाख २०८० १३:४१
धनुषामा ७ लाख ७१ हजार ५०० रुपैयाँ नक्कली नोटसहित एक महिला पक्राउ परेकी छन्।
धनुषाको विदेह नगरपालिका-६ की अनुकुमारी साह पक्राउ परेकी हुन्।
उनको साथबाट एक हजारको नक्कली नोट ४ सय ९२ थान (४ लाख ९२ हजार) र ५ सयको नक्कली नोट ५ सय ५९ थान (२ दाख ७९ हजार ५००) बरामद भएको छ।
जनकपुरधामस्थित जिरोमाइलबाट खटिएको गस्ती टोलीले २५ वर्षीया साहको झोला तलासी गर्दा नक्कली नोटहरू बरामद भएको हो।
उनको खल्तीबाट नेपाली १० हजार ५ सय, भारतीय १६० समेत बरामद भएको जिल्लाका प्रहरी नायब उपरीक्षक (डीएसपी) वेदप्रसाद गौतमले बताए।
उनले उक्त नक्कली नोट एक लाख बराबर ७ लाख सटही गरी ल्याएको महिलाले सोधपुछका क्रममा बोलेको पनि बताए।
महिलासँगको सोधपुछपछि थप संलग्नता रहेकाहरुको खोजी भइरहेको प्रहरीले जनाएको छ।
अहिलेसम्म थप एक जनालाई पक्राउ गरिएको बताइएको छ ।
सम्बन्धित समाचार
प्रतिक्रिया