भाजपा विदेश विभाग प्रमुख चौथाइवालेले आज उच्चस्तरीय भेटवार्ता गर्दै
४ वैशाख २०८० ११:४९
विजय चाैथाइवाले। फाइल तस्बिर।
नेपाल भ्रमणका आएका भारतीय जनता पार्टी (भाजपा) का विदेश विभाग प्रमुख विजय चौथाइवालेले आज उच्चस्तरीय राजनीतिक भेटवार्ता गर्दैछन्।
अहिले धनगढीमा रहेका चौथाइवाले त्यहाँ जारी अन्तर्राष्ट्रिय मानसखण्ड सम्मेलनको समापन समारोहलाई सम्बोधन गरेपछि काठमाडौं आउनेछन्। उनी हिजो सडकमार्ग हुँदै धनगढी आइपुगेका हुन्।
काठमाडौं आएपछि उनले प्रधानमन्त्री पुष्पकमल दाहाल ‘प्रचण्ड’, परराष्ट्रमन्त्री एनपी साउदलगायतसँग भेटवार्ता गर्ने कार्यक्रम छ।
भेटमा प्रधानमन्त्री प्रचण्डको निकट भविष्यमा हुने भारत भ्रमणको तयारीबारे पनि छलफल हुने बताइएको छ। प्रधानमन्त्री प्रचण्ड वैशाख तेस्राे साता भारत भ्रमणमा जाने तयारीमा छन्। त्यसका लागि गृहकार्य सुरु भएकाे छ।
प्रतिक्रिया