एकैदिन १६ सय बढ्यो सुनको मूल्य, तोलाको कति पुग्यो?

सुनको मूल्य मंगलबार एकैदिन तोलामा १ हजार ६ सय रुपैयाँले बढेको छ। अघिल्लो दिन प्रतितोला १ लाख ४ हजार एक सय रुपैयाँमा कारोबार भएको छापावाला सुनको मूल्य आज थप १ हजार ६ सय रुपैयाँले बढ्दै १ लाख ५ हजार ७ सय रुपैयाँ पुगेको हो।

यस्तै तेजाबी सुनको मूल्यसमेत आज तोलामा १६ सय रुपैयाँले नै बढ्दै १ लाख ५ हजार २ सय रुपैयाँमा कारोबार भइरहेको सुनचाँदी व्यवसायी महासंघले जनाएको छ।

यता चाँदीको मूल्य पनि आज तोलामा ४५ रुपैयाँले बढ्दै एक हजार ३ सय रुपैयाँ पुगेको महासंघले जनाएको छ। अघिल्लो दिन चाँदी प्रतितोला एक हजार २ सय ५५ रुपैयाँमा कारोबार भएको थियो।