पाँच लाख नक्कली नोटसहित नेपालगञ्जमा तीन जना पक्राउ
३ फागुन २०७९ ११:३४
बाँकेको नेपालगञ्जबाट करिब पाँच लाख रुपैयाँभन्दा बढी नेपाली नक्कली नोटसहित तीन जनालाई प्रहरीले पक्राउ गरेको छ। प्रहरीले नेपालगञ्ज उपमहानगर-२ स्थित न्यूरोडबाट उनीहरूलाई पक्राउ गरेको हो।
बाँकेका प्रहरी नायब उपरीक्षक रामप्रसाद घर्तीका अनुसार पक्राउ पर्नेमा कोहलपुर नगरपालिका-११ का ३३ वर्षीय मोहन कुमाइ, अछामको तुर्माखाँद गाउँपालिका-३ का ३७ वर्षीय दीपक बीसी र सल्यानको वनगाँड कुपेण्डे नगरपालिका-५ का ३० वर्षीय मोहन राना छन्। उनीहरूको साथबाट प्रहरीले एक हजार दरका नक्कली नोट पाँच सय ६९ थान बरामद गरेको छ।
रानाका साथबाट चार सय १८ थान नक्कली नेपाली एक हजारको नोट र कुमाइको साथबाट एक सय ५१ थान नक्कली नेपाली एक हजारको नक्कली नोट बरामद गरिएको छ। नक्कली नेपाली रुपैयाँ बोकेर हिँडिरहेका तीनै जनालाई मंगलबार साँझ प्रहरीको विशेष टोलीले पक्राउ गरेको हो।
सम्बन्धित समाचार
प्रतिक्रिया