सुनको मूल्य बढ्यो, चाँदीको स्थिर

सुनचाँदी बजारमा आज छापावाल सुनको मूल्य अघिल्लो कारोबार दिनको तुलनामा प्रतितोला पाँच सय रुपैयाँले बढेको छ। अघिल्लो दिन प्रतितोला एक लाख चार हजार एक सय रुपैयाँमा कारोबार भएको उक्त सुनको मूल्य आज एक लाख चार हजार छ सय रुपैयाँ तोकिएको छ।

नेपाल सुनचाँदी व्यवसायी महासंघले सार्वजनिक गरेको विवरणानुसार आज तेजाबी सुनको मूल्य प्रतितोला एक लाख चार हजार एक सय रुपैयाँ छ। उक्त सुनको मूल्य अघिल्लो दिन एक लाख तीन हजार छ सय रुपैयाँ थियो।

त्यस्तै आज चाँदीको मूल्य अघिल्लो कारोबार मूल्यको तुलनामा स्थिर रही प्रतितोला एक हजार तीन सय २० रुपैयाँ कायम रहेको महासंघले जनाएको छ। महासंघले अन्तराष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक सुन तथा चाँदीका मूल्य तोक्दै आएको छ।