राष्ट्रपति, उपराष्ट्रपतिको निर्वाचनसम्बन्धी ऐन संशोधन गर्नुपर्छ : रमेश लेखक
५ माघ २०७९ १९:१७
नेपाली कांग्रेसका प्रमुख सचेतक रमेश लेखकले राष्ट्रपति, उपराष्ट्रपतिको निर्वाचनसम्बन्धी ऐन, कानूनको संशोधन गर्नुपर्ने बताएका छन्। बिहीबार प्रतिनिधि सभाको बैठकपछि सञ्चारकर्मीहरूसँग कुरा गर्दै उनले यस्तो बताएका हुन्।
उनले संविधानको व्यवस्था र राष्ट्रपति, उपराष्ट्रपतिको निर्वाचनसम्बन्धी कानून, ऐनको व्यवस्थाका बीचमा केही विरोधाभाषहरू रहेकाले त्यसलाई समाधान गरेर अघि बढ्न सबै सहमत हुनुपर्ने बताए।
उनले संविधानले राष्ट्रपतिको निर्वाचन भएकै दिनदेखि कार्यकाल प्रारम्भ हुने भनेको तर ऐनले कार्यकाल समाप्त हुनुभन्दा १ महिना पहिला निर्वाचन गर्नुपर्छ भनेकाले ऐनलाई संशोधन नगरीकन जाँदा प्रत्येक कार्यकालमा १÷१ महिना घटेर जाने बताए। उनले संविधान र ऐनको भावनमा एकरूपता ल्याउन आफूहरू लाग्ने पनि बताए।
प्रमुख सचेतक लेखकले ऐनअनुसार गर्दा कार्यकाल घट्ने भएकाले संविधानअनुसार नै संशोधन हुनुपर्ने बताए।
सम्बन्धित समाचार
प्रतिक्रिया