रौतहटमा स्रोत नखुलेको साढे ४ लाख भारुसहित दुई भारतीय पक्राउ
१८ पुष २०७९ १९:१९
रौतहटको गौर नगरपालिका–१ बाट स्रोत नखुलेको ४ लाख ४९ हजार ५ सय भारतीय रकमसहित २ जना पक्राउ परेका छन् ।
पक्राउ पर्नेहरूमा भारत मोतीहारी गोपालपुर बल्हाचोक बस्ने ३५ वर्षीय आजातकुमार मालाकार र २२ वर्षीय सञ्जीवकुमार तिवारी रहेका छन् । प्रहरीले उनीहरूलाई सोमबार बिहान पक्राउ गरेको हो ।
भारतबाट नेपालतर्फ आउँदै गरेको बीआर ०५ एएन १५९० नम्बरको मोटरसाइकललाई रोकेर जाँच गर्ने क्रममा उक्त रकम फेला परेपछि उनीहरूलाई पक्राउ गरिएको र थप अनुसन्धान भइरहेको प्रहरीले जनाएको छ ।
सम्बन्धित समाचार
प्रतिक्रिया