माओवादी केन्द्र लुम्बिनी प्रदेश संसदीय दलको नेतामा जोखबहादुर महरा
१८ पुष २०७९ १४:४४
नेकपा माअेवादी केन्द्रको लुम्बिनी प्रदेश सभा संसदीय दलको नेतामा जोखबहादुर महरा चयन भएका छन् ।
सोमबार माओवादी केन्द्रका प्रदेश समितिका पदाधिकारीसहित बसेको संसदीय दलको बैठकले महरालाई सर्वसम्मत दलको नेता चयन गरेको प्रदेश अध्यक्ष सुदर्शन बरालले जानकारी दिए ।
लुम्बिनी प्रदेश सभामा माओवादी केन्द्र संसदीय दलको नेतामा महरासँगै इन्द्रजित थारु र वसन्त घर्ती पनि आकांक्षी थिए । तर, माओवादीको लुम्बिनी प्रदेश कमिटीले महराको नाम प्रस्ताव गरेर सर्वसम्मत नेता चयन गर्न निर्देशन दिएको हो ।
संसदीय दलको उपनेता र सचेतक पछि चयन गर्ने प्रदेश अध्यक्ष बरालले जानकारी दिए ।
प्रतिक्रिया