सेनाको अधिकृत क्याडेट र सैन्य पदको भर्ना प्रक्रिया स्थगित
२० मंसिर २०७९ १४:३९
नेपाली सेनाको सैन्य पद र अधिकृत क्याडेड पदको भर्ना प्रक्रिया स्थगित भएको छ । सेनाका अनुसार यी पदको परीक्षा पुनः सञ्चालन गरिनेबारे एक सातामा अर्को सूचना जारी गरिनेछ ।
सेनाले आर्थिक वर्ष २०७९/०८० को रिक्त पदपूर्ति गर्न भर्ना प्रक्रिया सञ्चालन गरिरहेको थियो । त्यसका लागि गत २४ भदौमा सैन्य पदको विज्ञापन गरिएको थियो भने ३१ भर्दामा सि.सं. ६४ अधिकृत क्याडेड/सि.सं. ४ स्नातक अधिकृत क्याडेट पदको भर्ना प्रक्रियाका लागि विज्ञापन गरिएको थियो ।
तर, भर्ना प्रक्रियाका सम्बन्धमा थारु कल्याणकारिणी सभाका केन्द्रीय महामन्त्री प्रेमिलाल प्रसाद चौधरीले सर्वोच्च अदालतमा रिट निवेदन दायर गरेका थिए । उनले भर्ना प्रक्रियामा थारु समुदायलाई आरक्षणको व्यवस्था माग गर्दै दिएको रिटमा सर्वोच्चले अन्तरिम आदेश दिएपछि हाललाई भर्ना प्रक्रिया स्थगित भएको सेनाले जनाएको छ ।
‘सैन्य तथा अधिकृत क्याडेट पदका परीक्षाहरु पुनः सञ्चालन गर्ने सम्बन्धमा र सैन्य पदको नयाँ सम्पर्क मितिबारे कम्तीमा एक साताअगावै अर्को सूचना प्रकाशित गरी जानकारी गराइनेछ,’ सेनाको सूचनामा उल्लेख छ ।
- स्वास्थ्य सेवा सुधारका लागि सरकारले गरेका निर्णयहरू रोकिने अवस्था छैन : स्वास्थ्यमन्त्री
- वीर अस्पताल र नेपाल स्वास्थ्य विज्ञान प्रतिष्ठान सात वर्षपछि छुट्याउन सहमति
- स्वास्थ्य मन्त्रालयद्वारा ‘जेनेरिक’ औषधि सुझाव समिति गठन
- एउटै व्यक्तिले विद्युत अनुमतिपत्र होल्ड गर्ने प्रवृत्ति अन्त्य गर्नुपर्छ : सांसद शर्मा
सम्बन्धित समाचार
प्रतिक्रिया