पियाली बनिन् अक्सिजनविनै सगरमाथा आरोहण गर्ने पहिलो भारतीय महिला

भारतको पश्चिम बंगालकी पियाली बासकले सगरमाथा आरोहण गरेकी छन् । यस क्रममा उनी अक्सिजनविनै सगरमाथा आरोहण गर्ने पहिलो भारतीय महिला बनेको भारतको संस्कृति मन्त्रालयले जनाएको छ ।

पियाली पश्चिम बंगालको चन्दरनागोरमा प्राथमिक विद्यालयको शिक्षिका हुन् । उनले सन् २०२१ मा पनि अक्सिजनविनै धौलागिरिको आरोहण गरेकी थिइन् । पियालीले गत मे महिनामा सगरमाथाको आरोहण गरेको भए पनि अहिले भारतीय मन्त्रालयले पुष्टि गरेको हो ।

सानो उमेरदेखि नै आरोहणमा रुचि भएकी पियालीले दार्जिलिङमा हिमालयन माउन्टेनियरिङ इन्स्टिच्युटमा गणितमा स्नातक गरेकी थिइन् । साथै नयाँ दिल्लीको इन्डियन माउन्टेनियरिङ फाउन्डेसन (आईएमएफ)मा पर्वतारोहण सम्बन्धी प्रशिक्षण लिएकी थिइन् ।