मन्दिर सफा गर्ने क्रममा चिप्लिएर लड्दा म्यादी प्रहरीको मृत्युु
१५ कार्तिक २०७९ १७:३६
फाइल तस्बिर।
धादिङमा मन्दिर सफा गर्ने क्रममा चिप्लिएर लड्दा म्यादी प्रहरीको मृत्यु भएको छ।
त्रिपुुरासुन्दरी गाउँपालिका–१ पीपलगाउँका २४ वर्षीय म्यादी प्रहरी भवानी खकुरालको मृत्यु भएको हो।
सोमबार दिउँसो २ बजे त्रिपुुरासुन्दरी–२ स्थित इलाका प्रहरी कार्यालय सल्यानटार परिसरभित्र रहेको मन्दिर सरसफाइ गर्ने अचानक चिप्लिएर लड्दा खकुुराल घाइते भएका थिए।
घाइते उनलाई स्थानीय अस्पताल हुँदै नेपाल प्रहरी अस्पताल महाराजगञ्ज र र थप उपचारका लागि सोही दिन राति ११ बजे न्युरो अस्पताल बाँसबारी लगिएको थियो।
उनको न्युरोमै उपचारको क्रममा मंगलबार दिउँसो ३ः१५ बजे मृत्यु भएको प्रहरीले जनाएको छ।
सम्बन्धित समाचार
प्रतिक्रिया