सुनको भाउ एकै दिन १६ सयले बढ्यो

नेपाली बजारमा आज (आइतबार) सुनको भाउ ह्वातै बढेको छ ।

आज सुनचाँदीको मूल्य तोलामा एक हजार ६०० रुपैयाँले बढेको नेपाल सुनचाँदी व्यवसायी महासंघले जनाएको छ । आज छापावाल सुन प्रतितोला एक लाख ५५ हजार ७०० रुपैयाँमा किनबेच भइरहेको छ ।

अघिल्लो दिन छापावाल सुन प्रतितोला एक लाख ५४ हजार १०० रुपैयाँमा कारोबार भएको थियो । चाँदीको मूल्य पनि तोलामा १५ रुपैयाँले बढेको छ । चाँदी प्रतितोला एक हजार ८६० रुपैयाँमा खरिद–बिक्री भइरहेको महासंघले जनाएको छ । अघिल्लो दिन चाँदी प्रतितोला एक हजार ८४५ रुपैयाँमा कारोबार भएको थियो ।