आज भएको थुनछेक बहसपछि जिल्ला न्यायाधीश रीताकुमारी बख्रेलको इजलासले उनलाई ५ लाख रुपैयाँ धरौटीमा रिहा गर्न आदेश दिएको ललितपुरका प्रहरी प्रमुख एसएसपी शेखर खनालले जानकारी दिए।
हनिट्र्याप प्रकरण : इन्स्पेक्टर बिनु शाही पाँच लाख धरौटीमा रिहा
८ पुष २०८१ १८:१७
भैंसेपाटी हनिट्र्याप प्रकरणमा संलग्न इन्स्पेक्टर बिनु कुमारी शाही पाँच लाख धरौटीमा रिहा भएकी छन् ।
आइतबार बयानका निम्ति उनी आफैं ललितपुर जिल्ला अदालत गएकी थिइन् । बयान नसकिएपछि जिल्ला प्रहरी परिसर, ललितपुरले नियन्त्रणमा लिई हिरासतमा राखेको थियो।
भैँसेपाटी प्रभागकी प्रमुख समेत रहेकी शाहीकै मिलेमतोमा एक व्यवसायीलाई हनी ट्र्यापमा फसाएर २० लाख रुपैयाँ असुलेकाे भन्दै उनीविरुद्ध पनि प्रहरीको केन्द्रीय अनुसन्धान ब्यूरो (सीआईबी) ले मुद्दा दायर गरेको थियो।
प्रभागबाट निलम्बन गरेर छानबिन सुरु भएपछि उनी भने सम्पर्कविहीन भएकी थिइन्। पछि अनुसन्धानमा समेत उनी फरार रहेको भन्दै मुद्दा दायर भएको थियो।
सम्बन्धित समाचार
प्रतिक्रिया