सामाजिक सुरक्षा कोषमा सबैभन्दा बढी योगदान गरेको भन्दै वरुण बेभरेज नेपाल सम्मानित

वरुण बेभरेज नेपाल प्राइभेट लिमिटेडलाई प्रधानमन्त्री केपी शर्मा ओलीले प्रशंसा पत्र प्रदान गरेका छन् । प्रधानमन्त्री ओलीले सातौँ सामाजिक सुरक्षा कोष दिवस २०८१ को अवसरमा आर्थिक वर्ष २०२३÷२४ को औद्योगिक उत्पादन क्षेत्रमा सामाजिक सुरक्षा कोषमा उत्कृष्ट योगदान पुर्याएको भन्दै उक्त सम्मान प्रदान गरेका हुन् ।

काठमाडौंमा आयोजित एक कार्यक्रममा वरुण बेभरेज नेपालका कन्ट्री हेड विशाल सिंह ठाकुरले उक्त सम्मान ग्रहण गरेका हुन् ।

कृतज्ञता व्यक्त गर्दै, कम्पनीले वातावरणीय, सामाजिक, र शासन सिद्धान्तहरूप्रति आफ्नो प्रतिबद्धता र उद्योग भित्र सकारात्मक प्रभाव पार्ने आफ्नो समर्पणलाई जोड दिएको थियो।

यस सम्मानले वरुण बेभरेज नेपालको कर्पोरेट जिम्मेवारीमा नेतृत्व र नेपालको सामाजिक सुरक्षा पहलका लागि निरन्तर समर्थनलाई प्रकाश पारेको कम्पनीले जनाएको छ ।