एनपीएलको टिकट विक्री सुरु, कुनको कति ?
१० मंसिर २०८१ २१:२४
यही मंसिर १५ गतेदेखि हुने नेपाल प्रिमियर लिग (एनपीएल), क्रिकेट प्रतियोगिताका लागि टिकट बिक्री खुला गरिएको छ ।
नेपाल क्रिकेट संघ क्यानले नेपाल प्रिमियर लिग (एनपीएल) का खेलहरूका लागि टिकटदर सार्वजनिक गरेको हो । क्यानका अनुसार मंसिर १५ गतेदेखि हुने एनपीएलको उद्घाटन खेलका लागि सामान्य टिकट ३ सय र भीआईपीका लागि ७ सय रुपैयाँ टिकट लाग्ने छ ।
लिग खेलका लागि सामान्यतर्फ ३ सय र भीआईपीका लागि ५ सय रुपैयाँ तोकिएको छ । प्लेअफका खेलहरूका लागि सामान्यतर्फ ५ सय र भीआईपीतर्फ सात सय रुपैयाँ टिकट तोकिएको छ ।
फाइलनका लागि सामान्यतर्फ ५ सय र भीआईपीतर्फ एक हजार रुपैयाँ टिकट तोकिएको छ । यसैगरी सिजनल पासका लागि सामान्यतर्फ ४ हजार ४ सय ८० र भीआईपीतर्फ ८ हजार २ सय ४० रुपैयाँ तोकिएको छ । क्यानले खल्ती एफमार्फत टिकट खरिद गर्न सकिने जनाएको छ ।
प्रतिक्रिया