एमाले इलामको अध्यक्षमा बराल निर्वाचित

नेकपा एमालेको इलाम जिल्ला अधिवेशनले अध्यक्षमा गणेश बराललाई निर्वाचित गरेको छ।  ११ औँ अधिवेशनले बराललाई फराकिलो मतान्तरले निर्वाचित गरेको हो।

बरालले प्रतिष्पर्धी  नरेन्द्रनाथ भट्टराईलाई १८६ मतान्तरले हराएका हुन्। बरालले ३८१ मत प्राप्त गर्दा भट्टराईले १९५ मत पाएका छन्।

उपाध्यक्षमा उदयबहादुर राई दोस्रो पटक निर्वाचित भएका छन्। राईले  प्रतिद्वन्द्वी उमेश गुरुङलाई ६६ मतान्तरले हराएका हुन्। राईले २५० मत प्राप्त गर्दा गुरुङले १८४ मत पाए। उपाध्यक्षका अर्का प्रत्यासी बुद्धि खनालले १३७ मत प्राप्त गरे। सचिवमा रामप्रसाद सुवेदी  निर्वाचित भएका छन्।

उपसचिव पुरुषमा रमेश राई निर्वााचित भएका छन् । निर्वाचनमा ५८१ मत खसेको थियो।