प्रहरीको झण्डा ओढाएर अवकाशप्राप्त महानिरीक्षक राणाको अन्त्येष्टी

नेपाल प्रहरीका अवकाशप्राप्त महानिरीक्षक प्रदीप शमशेर राणाको अन्त्येष्टी गरिएको छ । आइतवार पशुपतिनाथ आर्यघाटमा नेपाल प्रहरीको झण्डा ओढाएर राणाको अन्त्येष्टी गरिएको हो ।

गृहमन्त्री रमेश लेखकले आर्यघाटमा पुगेर राणाप्रति अन्तिम श्रदान्जली ब्यक्त गरेका थिए ।

उनकाे पार्थिक शरिरमा अवकाशप्राप्त महानिरीक्षकसहित हाल नेतृत्व गरिरहेका महानिरीक्षक दीपक थापाले पुष्पसहित अन्तिम श्रदान्जली दिएका थिए । उनकाे शबयात्रा प्रहरी परम्परा अनुसार गरिएकाे थियाे ।

लामो समयदेखि स्वास्थ्य समस्यासँग जुधिरहेको ७८ वर्षीय राणाको शनिवार साँझ निधन भएको थियो।

नेपाल प्रहरीमा २०५७ देखि २०५९ सम्म नेतृत्व गरेका राणा संगठनभित्र व्यवसायिक प्रहरी अधिकृत थिए ।

उनको कार्यकालमा प्रहरीभित्र भौतिक संरचनाहरूको निर्माणका साथै उनकै कार्यकालमा दरबार हत्याकाण्ड भएको थियो ।