मेडिकल राहत लिएर म्यानमार गयो नेपाली सेनाको टोली
२० चैत २०८१ १३:२४
मेडिकल राहत लिएर नेपाली सेनाको टोली म्यानमार प्रस्थान गरेको छ ।
म्यानमारमा हालै गएको विनाशकारी भूकम्प पश्चात् नेपाल सरकारको निर्णयअनुसार मेडिकल राहतसहित सेनाको विशेष टोली बुधवार त्यसतर्फ प्रस्थान गरेको हो।
सेनाको विमानद्वारा प्रमुख सेनानी रामचन्द्र श्रेष्ठको नेतृत्वमा २२ सदस्यीय टोली म्यानमारतर्फ पठाइएको हो। उक्त टोलीमा १२ जना चिकित्सकीय टिम, ४ जना बन्दोबस्ती सहायता टिम, र ६ जना क्रु मेम्बर रहेका छन्।
टोलीमा सर्जन, अर्थोपेडिक, मेडिसिन चिकित्सक, नर्स तथा प्यारामेडिकहरू संलग्न रहेका छन्। साथै, विभिन्न आवश्यक औषधि तथा उपकरणहरूसहित टोली एक साता म्यानमारमा भूकम्प पीडितहरूको उपचार सेवामा खटिने जनाइएको छ।
सम्बन्धित समाचार
प्रतिक्रिया