पत्रकार सुरेश रजकको भोलि पोस्टमार्टम हुने
१९ चैत २०८१ २२:१२
गत चैत १५ गते काठमाडौंको तीनकुनेमा भएको राजावादीहरूको प्रदर्शनमा मृत्यु भएका पत्रकार सुरेश रजकको एक्स-रे भएको छ ।
उनको शव त्रिवि शिक्षण अस्पतालमा राखिएको छ ।
चिकित्सकहरूका अनुसार उनको एक्सरेको रिपोर्ट आउन बाँकी छ । उक्त रिपोर्ट आएपछि भोलि (बुधबार) बिहान १० बजेबाट पोस्टमार्टमा थालिने एक चिकित्सले जानकारी दिए ।
रजकको शरीरमा गोली लागेको हल्लापछि एक्स–रे गर्न ढिलाइ भएको थियो ।
केही मिडिया तथामा सामाजिक सञ्जालमा पत्रकार रजकलाई गोली लागेको भन्दै खबरहरु सार्वजनिक भएका थिए । त्यसपछि चिकित्सकले एक्स–रे नगरी पोस्टमार्टम नगर्ने बताएका हुन् । यता प्रहरीले भने विज्ञप्ती निकाल्दै भ्रामक खबरहरु फैलाइएको र त्यस्तो खबर फैलाएर कारबाहीसम्म गर्ने बताएको थियो ।
सम्बन्धित समाचार
प्रतिक्रिया