दुःखलाई शक्तिमा परिणत गर्ने कोसिस गर्छौँ : ज्ञानबहादुर शाही

राष्ट्रिय प्रजातन्त्र पार्टीका सांसद ज्ञानबहादुर शाहीले केही नेताहरू थुनिएको र वरिष्ठ नेताको निधनले पार्टी दुखित भएको बताएका हुन् ।

मंगलवार संघीय संसद परिसरमा सञ्चारकर्मीहरूसँग कुराकानी गर्दै शाहीले यस्तो बताएका हुन् ।

उनले पार्टीले सामना गरिरहेको वर्तमान परिस्थितिलाई शक्तिमा बदल्ने कोसिस रहने बताए । उनले वरिष्ठ नेता दीपक बोहराप्रति श्रद्धाञ्जली व्यक्त गदै मूलकको विकासको लागि गरेको योगदानलाई आत्मसाथ गर्दै अघि बढ्ने बताए ।

उनले भने ‘आज राष्ट्रिय प्रजातन्त्र पार्टीलाई एकदमै दुःखको दिन हो । पार्टीका वरिष्ठ नेता माननीय दीपक बोहराको निधनले पार्टी र समग्र नेताहरू दुखित र स्तब्ध भएका छौँ । नेपाली राजनीतिमा उहाँले गरेको योगदान र उहाँले सिकाएको बाटो पार्टीले अपनाउने छ । हाम्रा नेताहरू पनि थुनिएका छन् र हाम्रा वरिष्ठ नेता समेत छोडेर जानु भएको छ । हामी यो दुःखलाई शक्तिमा परिणत गर्ने कोसिस गर्छौँ ।’

राप्रपाका वरिष्ठ नेता एवं पूर्वमन्त्री बोहराको मंगलवार उपचारको क्रममा निधन भएको थियो ।

प्रतिक्रिया

Leave a Reply

Your email address will not be published. Required fields are marked *