गुडिरहेको जीपबाट खसेर गाडीधनीको मृत्यु
१९ चैत २०८१ १०:५५
डोटीमा जीपबाट खसेर एक युवकको मृत्यु भएको छ ।
मृतक युवक जीप धनी हुन् । सोमबार साँझ सुदूरपश्चिम प्रदेश ०१–००१ च ४११८ नम्बरको जीपको ढालाबाट खस्दा आदर्श गाउँपालिका– २ कुचेडा घर भएका ३४ वर्षीय ज्ञानेन्द्रबहादुर बोहराको मृत्यु भएको जिल्ला प्रहरी कार्यालय डोटीले जनाएको छ ।
जीपबाट सडकमा बजारिँदा गम्भीर घाइते भएका बोहराको शैलेश्वरी अस्पतालमा उपचारको क्रममा मृत्यु भएको हो । दुर्घटनापछि प्रहरीले गाडीचालक आदर्श गाउँपालिका– ३ नुवाकोटका २३ वर्षका गाडी चालक विराज भट्टलाई पक्राउ गरेको छ ।
सम्बन्धित समाचार
प्रतिक्रिया