राजावादीको प्रदर्शनबाट मृत्यु भएका पत्रकार रजकको परिवारसंग भेटपछि प्रधानमन्त्रीले के भने ?

काठमाडौंको तीनकुनेमा आगजनीमा परेर गत शुक्रबार मृत्यु भएका पत्रकार सुरेश रजकको परिवारसँग प्रधानमन्त्री केपी शर्मा ओलीले भेटवार्ता गरेका छन् ।

सोमबार बालुवाटारमा भएको भेटवार्तामा प्रधानमन्त्री ओलीले उक्त घटनाप्रति गहिरो दुःख व्यक्त गर्दै घटनाको छानबिन गरी दोषीमाथि कडा कारबाही गरिने बताए ।

प्रधानमन्त्री ओलीले सुरेशको दाहसंस्कार गर्न उनको परिवारसँग आग्रह गर्दै सुरेशकी पत्नीलाई रोजगारीको व्यवस्था मिलाउने बताए । राजावादीहरुरले गत शुक्रबार काठमाडौंका तीनकुने लगायतका क्षेत्रमा तोडफोड र आगजनी गरेका थिए । उक्त कार्यमा संलग्न केहीलाई प्रहरीले पक्राउ गरिसकेको छ ।