पाँच महिनापछि पार्टी जिम्मेवारीमा फर्किए रवि

राष्ट्रिय स्वतन्त्र पार्टी (रास्वपा) सभापति रवि लामिछाने पार्टी काममा फर्किएका छन् । सहकारी ठगी प्रकरणमा गत कार्तिक २ गते पक्राउ परेपछि उनी पार्टी जिम्मेवारीमा थिएनन् । सोमबार आव्हान गरिएको केन्द्रीय समितिको दोस्रो बैठक लामिछानेको अध्यक्षता सुरु भएको छ।

बैठकअघि पार्टी कार्यालय बनस्थली बाहिर समर्थकलाई सम्बोधन गर्दै उनले टाउको माथि तरबार राख्दैमा आफु नडराउने बताए । जुनसुकै शक्तिसंग पनि आफु नडराउने समेत उनले बताए ।

कहाँ आगो बल्ला र त्यहाँ बसौला भनेर आफु राजनीतिमा नआएको समेत उनले बताए । त्यसअवसरमा उनले भ्रष्टाचारीलाई जोगाउन सरकार लागिपरेको समेत बताएका थिए ।