कतारले दियो १८ नेपालीलाई आममाफी
१७ चैत २०८१ १६:०२
कतार सरकारले विभिन्न कसुरमा सजाय भुक्तान गरिरहेका १८ जना नेपालीको कैद माफी दिएको छ ।
कतार सरकारले रमजान र ईदको अवसरमा १८ जना नेपाली कैदीहरूलाई अमिरी आममाफी दिएको परराष्ट्र मन्त्रालयले जनाएको हो । मन्त्रालयले यसका लागि कतार सरकारप्रति आभार समेत व्यक्त गरेको छ ।
‘नेपाल र कतार राज्यबीचको द्विपक्षीय सम्बन्धमा सौहार्दताको प्रतीकको रूपमा मानवीय आधारमा क्षमादानको यस प्रकारको कार्यलाई मन्त्रालयले उच्च मूल्याङ्कन गर्दछ, ‘ मन्त्रालयको विज्ञप्तीमा भनिएको छ । दोहा, कतारस्थित नेपाल दूतावास मार्फत नेपाल सरकारको अनुरोध पछि आममाफीको निर्णय लिइएको हो।
सम्बन्धित समाचार
प्रतिक्रिया