तीन तह बीचको कार्य विस्तृतिकरण स्पष्ट बनाउने विषय अन्तिम चरणमा छः प्रधानमन्त्री ओली

प्रधानमन्त्री ओलीले सरकार प्रशासनिक तथा वित्तीय संघीयतालाई थप सुदृढ बनाउन विभिन्न सुधारका कार्यहरूमार्फत प्रयासरत रहेको बताए । सरकारले वित्तीय संघीयताको कार्यान्वयनका लागि पारदर्शी र वस्तुनिष्ठ आधारमा अध्ययन, अनुसन्धान र विश्लेषण गरी वित्तीय हस्तान्तरणको व्यवस्था गरेको बताए। तीन तह बीचको कार्य विस्तृतिकरण स्पष्ट बनाउने विषय समेत उच्च प्राथमिकतामा राखेर अन्तिम रूप दिने कार्य भइरहेको उनको भनाइ छ  । जलविद्युत क्षेत्रको विकासमा उल्लेखनीय सुधार भएको बताए । यस अवधिमा विद्युत् उत्पादन र प्रसारण लाइन बिस्तारसँगै अन्तरदेशीय विद्युत् व्यापार गर्नसमेत नेपाल सफल भएको बताएका छन्  । मुलुकको आर्थिक अवस्थामा देखा परेको असहज परिस्थिति अर्थतन्त्रको वाह्य र आन्तरिक क्षेत्रमा परेको दबाब कम गर्न सरकारले घनिभूत प्रयास गरिरहेको र केही उपलब्धि हासिल गरेको जिकिर गरे ।