टोखाबाट झन्डै २५ करोड बराबरको अवैध विदेशी मुद्रा बरामद
५ चैत २०८१ १२:१२
नेपाल प्रहरीले ठूलो मात्रामा अवैध रूपमा ओसारपसार गरिएको विदेशी मुद्रा बरामद गरेको छ ।
काठमाडौँ उपत्यका अपराध अनुसन्धान कार्यालयको टोलीले टोखा क्षेत्रबाट सञ्चालित विशेष अभियान अन्तर्गत एक गाडीबाट अमेरिकी डलर ३ लाख २० हजार ३८५ र १३ लाख ७५ हजार युरो गरि जम्मा २५ करोड २१ लाख ४४ हजार नेपाली रुपैयाँ बराबरको रकम बरामद गरेको छ ।
अपराध अनुसन्धान कार्यालयका प्रमुख एसएसपी रमेश बस्नेतका अनुसार उक्त रकम गाडीभित्र कुशलतापूर्वक लुकाएर राखिएको थियो । प्रहरी टोलीले शंका लागेपछि अनुसन्धान गर्दै जाँदा ठूलो परिमाणको अवैध रकम भेटिएको हो । ‘हाल घटनासम्बन्धी थप अनुसन्धान जारी छ,’ बस्नेतले भने,’
यस विषयमा विस्तृत विवरण प्रहरीले आजै पत्रकार सम्मेलनमार्फत सार्वजनिक गर्ने जनाएको छ । बरामद रकमको स्रोत, ओसारपसार गर्ने समूह र सम्भावित संलग्नताबारे थप अनुसन्धान भइरहेको प्रहरीले बताएको छ ।
- सामूहिक भावना र एकताका साथ राष्ट्र र नागरिक सेवामा समर्पित हुन जरूरी : प्रहरी महानिरीक्षक थापा
- तनहुँमा ६ आधारभूत स्वास्थ्य केन्द्र निर्माणका लागि मन्त्रालयले पठायो बजेट
- यी हुन् सशस्त्र प्रहरी महानिरीक्षक कप अन्तर्गत मंगलबार सम्पन्न खेल
- सल्लाह गरेरै डण्डि र सिमेन्ट व्यवसायीहरुले निर्माण व्यवसायमा सिन्डिकेट लगाउन खोजे : रवि सिंह
सम्बन्धित समाचार
प्रतिक्रिया