१५ देशका सुरक्षाकर्मीहरूको संयुक्त अभ्यास सुरु
४ चैत २०८१ २२:२०
विपद् व्यवस्थापन सम्बन्धी परिदृश्यमा आधारित रही काठमाडौँमा अभ्यास -मल्टिनेसन प्लानिङ अज्मेन्टेसन टिम टेम्पेस्ट एक्सप्रेस (एमपीएटी टीई ४०) सुरु भएको छ।
विपद् व्यवस्थापन सम्बन्धी सैनिक, गैर सैनिक तथा अन्य विभिन्न निकायबीच सैद्धान्तिक, व्यवहारिक र विशेष अनुभवहरूको आदान प्रदानबाट भविष्यमा प्रभावकारी रूपमा विपद् प्रतिकार्य क्षमता अभिवृद्धि गर्ने उद्देश्य राखी उक्त अभ्यास सञ्चालन गरिएको नेपाली सेनाले जनाएको छ।
आजदेखि सुरु भएको अभ्यास चैत १४ गतेसम्म सञ्चालन हुने छ।
नेपाली सेना तथा यूएस इन्डोपाकोम को संयुक्त आयोजनामा सञ्चालन भएको अभ्यासमा नेपालबाट नेपाली सेनाका २५ सहित अन्य सुरक्षा निकाय, नेपाल सरकार सम्बद्ध सरकारी तथा गैर सरकारी निकायहरूका ५८ जना र विभिन्न १५ देशका ३७ गरी कुल ९५ जनाको सहभागिता रहेको छ।
कार्यक्रममा नेपालका लागि अमेरिकाका राजदूत डीन आर थम्पसन, बलाध्यक्ष रथी प्रदीप जङ्ग के.सी., रथीबृन्द, नेपाल सरकार सम्बद्ध विभिन्न सरकारी एवम् गैर सरकारी निकाय तथा विदेशी संघ संस्थाहरूका उच्चस्तरका पदाधिकारीहरूको उपस्थिति रहेको थियो
- परराष्ट्रमन्त्रीद्वारा ट्रम्पका सुरक्षा निर्देशकसँग भेटवार्ता, विपिनको रिहाइका लागि पहल गरिदिन आग्रह
- राजनीतिक अस्थिरता जनताको लागि अपाच्य : महासचिव चन्द
- ज्ञानेन्द्रलाई भिलेनको संज्ञा दिँदै प्रचण्डले भने- राजनीतिक दललाई धोका नदिएको भए राजतन्त्र टिक्न सक्थ्यो
- ७ अंकले घट्यो नेप्से, कारोबार रकम पनि घट्यो
प्रतिक्रिया