रिहा भए प्रचण्डको फोटो जलाउने राप्रपा नेता बम

चितवनबाट आइतबार पक्राउ परेका बमलाई जिल्ला प्रहरी कार्यालय मकवानपुर ल्याइएकामा आइतबार साँझ नै प्रहरीले रिहा गरेको हो ।

प्रचण्डले सामाजिक सञ्जाल फेसबुकमा स्टाटस लेख्दै आफ्नो फोटो जलाउँदैमा गिरफ्तार गर्नु उचित नभएको बताएका थिए । प्रचण्डले फेसबुकमा लेखेका छन्, ‘लोकतन्त्रमा विरोधका विभिन्न रूप हुन्छन् । फोटो जलाउँदैमा गिरफ्तार गर्नु उचित हुँदैन ।’

प्रचण्डले पूर्वराजा ज्ञानेन्द्र शाहमाथि गम्भीर आरोप लगाएपछि सो को विरोधमा शनिबार राप्रपाका युवा नेता निराजन बमले प्रचण्डको फोटो जलाएका थिए ।