हेड अफ एनसिबी कन्फरेन्समा सहभागी भई थापा नेतृत्वको टोली स्वदेश फिर्ता
८ फागुन २०८१ ८:२१
‘२०औँ हेड अफ एनसीबी कन्फरेन्स’मा नेपालको तर्फबाट सहभागी भई प्रहरी अतिरिक्त महानिरीक्षक दीपक थापा नेतृत्वको टोली बुधबार स्वदेश फर्किएको छ ।
यो कार्यक्रम इन्टरपोल महासचिवालयको आयोजनामा फ्रान्सको लियोनमा माघ २९ देखि फागुन १ गते गतेसम्म सञ्चालन भएको थियो ।
हेड अफ एनसिबी कन्फरेन्समा मुख्य रूपमा सिनारियो अफ क्राइम एगेन्स्ट चाइल्ड विषय लगायत अन्तर्राष्ट्रिय स्तरमा हुने अपराधहरूको नियन्त्रण सम्बन्धमा इन्टरपोलका सदस्य राष्ट्रहरूका एनसीबी प्रमुखहरू, इन्टरपोल महासचिव तथा पदाधिकारीहरू बिच समन्वय तथा सहकार्यको विषयहरूमा छलफल भएको थियो ।
उक्त कन्फरेन्समा नेपालको तर्फबाट एनसीबी काठमाडौँका शाखा प्रमुख प्रहरी उपरीक्षक कोमल शाहले सिनारियो अफ क्राइम एगेन्स्ट चाइल्ड इन नेपाल विषयमा प्रस्तुतीकरण गरेका थिए ।
प्रहरी अतिरिक्त महानिरीक्षक दीपक थापा नेतृत्वको टोली कन्फरेन्समा सहभागी हुन माघ २७ गते त्यसतर्फ प्रस्थान गरेका थिए ।
- सामूहिक भावना र एकताका साथ राष्ट्र र नागरिक सेवामा समर्पित हुन जरूरी : प्रहरी महानिरीक्षक थापा
- तनहुँमा ६ आधारभूत स्वास्थ्य केन्द्र निर्माणका लागि मन्त्रालयले पठायो बजेट
- यी हुन् सशस्त्र प्रहरी महानिरीक्षक कप अन्तर्गत मंगलबार सम्पन्न खेल
- सल्लाह गरेरै डण्डि र सिमेन्ट व्यवसायीहरुले निर्माण व्यवसायमा सिन्डिकेट लगाउन खोजे : रवि सिंह
सम्बन्धित समाचार
प्रतिक्रिया