अमेरिकाले नेपाललाई दिने साढे पाँच अर्बको अमेरिकी अनुदान रद्द

अमेरिकाले नेपाललाई दिने साढे पाँच अर्ब रुपैयाँ अनुदान रद्द गरेको छ । नेपालको वित्तीय संघीयता र जैविक विविधताको क्षेत्रका लागि दिइएको ३९ मिलियन अमेरिकी डलर (पाँच अर्ब ४० करोड ६१ लाख रुपैयाँ)बराबरको अनुदान रद्द गरेको हो ।

अमेरिकी राष्ट्रपति डोनाल्ड ट्रम्पले एलन मस्कको नेतृत्वमा गठन गरेको ‘डिपार्टमेन्ट अफ गभर्मेन्ट इफिसियन्सी’ले सूचना जारी गर्दै नेपालसहितका मुलुकलाई दिइँदै आएको सहयोग रद्द गरेको हो ।

‘अमेरिकी करदाताको डलर खर्चका लागि बाहिर जाने थियो, त्यसलाई तत्काल लागू हुने गरी रद्द गरिएको छ,’ विभागले सामाजिक सञ्जाल एक्समा लेखेको छ । यसैअनुसार नेपालको वित्तीय संघीयताको २० र जैविक विविधताका लागि तोकिएको १९ मिलियन अमेरिकी डलर सहायता रद्द गरिएको हो ।