अदालतमा बाढी पसेपछि सुनुवाइ नै स्थगित
३० माघ २०८१ १७:२५
काठमाडौंको बबरमहलमा मेलम्चीको पाइप फुटेपछि अदालतका सुनुवाइ नै स्थगित भएको छ ।
मेलम्ची खानेपानी आयोजनाको पाइपलाइन फुटेपछि जिल्ला अदालत काठमाडौं र विशेष अदालतमा पानी पसेको हो । पानी पसेपछि सुनुवाइ नै स्थगित भएको विशेष अदालतका उपरजिष्ट्रार गेहेन्द्रराज रेग्मीले जानकारी दिए ।
उनका अनुसार पानी पसेपछि बाहिर निस्किन सक्ने अवस्था छैन । ‘साढे दुई बजेपछि अदालत परिसरमा पानी पस्यो । केहीबेरमा अदालतभित्रै पनि पानी पस्यो,’ रेग्मीले भने, ‘फाँटमा पनि पानी पसेपछि सुनुवाइहरू स्थगित गर्नुपर्यो ।’ अदालतमा न्यायाधीशहरू पनि त्यहीं फसेका छन् । अहिले सुरक्षाकर्मीहरू त्यहाँ पुगेका छन् ।
- परराष्ट्रमन्त्रीद्वारा ट्रम्पका सुरक्षा निर्देशकसँग भेटवार्ता, विपिनको रिहाइका लागि पहल गरिदिन आग्रह
- राजनीतिक अस्थिरता जनताको लागि अपाच्य : महासचिव चन्द
- ज्ञानेन्द्रलाई भिलेनको संज्ञा दिँदै प्रचण्डले भने- राजनीतिक दललाई धोका नदिएको भए राजतन्त्र टिक्न सक्थ्यो
- ७ अंकले घट्यो नेप्से, कारोबार रकम पनि घट्यो
प्रतिक्रिया