जन्मदिनमा बिद्यार्थीहरूलाई स्विटर वितरण

न्याय सेवामा ४० वर्ष सेवापछि केही वर्ष अघि अवकाश भएका उच्च अदालतका मुख्य न्यायाधीश रमेशकुमार पोखरेलले आफ्नो ६६ आ‍ैं जन्मदिन फरक तरिकाले मनाएका छन्।

उनले जन्मदिनका अवसरमा बिर्तामोड नगरपालिका ९ स्थित श्री सहिद लक्ष्मी आधारभुत विद्यालयमा रहेका ८५ जना विद्यार्थीहरूलाई न्यानो स्विटर वितरण गरेका हुन्।

काठमाडौं नयाँ बानेश्वर निवासी अवकाशप्राप्त मुख्य न्यायाधीश पोखरेलले पूर्वका विभिन्न जिल्ला र उच्च अदालतमा सेवारत रहँदा सो क्षेत्रको सामाजिक विकासमा सहयोग गर्दै आएका थिए।

उनको जन्मदिनमा बिर्तामोड जेसिस इन्टरनेशनल र जेसी आरती लिम्बुको पहलमा विद्यालयमा स्विटर वितरण भएको हो । विद्यालयमै जेसिसले जन्मदिन समेत मनाएको हो।

कानूनविद् समेत रहेका पोखरेलले यसअघि कोभिड महामारीका समयमा घर बहाल समेत छुट गरेका थिए।