संसद चाँडै सुरु हुन्छ : देवराज घिमिरे
२७ पुष २०८१ १८:०५
सभामुख देवराज घिमिरेले राष्ट्रनिर्माता पृथ्वीनारायण शाहलाई एकताका प्रतीकको रुपमा लिनुपर्ने बताएका छन् ।
शनिवार पृथ्वीनारायण शाहको ३०३ औं जन्मजयन्तीको अवसरमा राष्ट्रिय प्रजातन्त्र पार्टी, नेपालले आयोजना गरेको चियापान समारोहमा सहभागी हुँदै उनले यस्तो बताएका हुन् ।
उनले नेपाल विभिन्न जातजाति, संस्कार, संस्कृतिको देश भएको बताए । नेपालको भूगोललाई एकताबद्ध गरी अरु प्रगति गर्नुपर्ने आवश्यकता रहेको बताए ।
उनले भने ‘हामीले एकताका प्रतीकको रुपमा लिनुपर्छ । विभिन्न जातजाति, संस्कार, संस्कृति, भएको भूगोल हो यो । यो भूगोललाई एकताबद्ध गरी अरु प्रगति गरेर लैजानुपर्छ भन्नेकुरा सिक्नुपर्छ । सदन अब बेला भएको छ, चाँडै चल्छ ।’
संसद कहिलेबाट सुरु हुन्छ भन्ने सञ्चारकर्मीहरूको प्रश्नमा उनले चाँडै अधिवेशन आह्वान हुने बताए ।
सम्बन्धित समाचार
प्रतिक्रिया