२४ किलो लागुऔषध चरेससहित ३ जना पक्राउ

दाङमा २४ किलो लागु औषध चरेस बरामद भएको छ । जिल्ला प्रहरी कार्यालय दाङका अनुसार २४ किलो ७१० ग्राम अवैध लागुऔषध चरेससहित तीन जनालाई पक्राउ गरिएको हो ।

पक्राउ पर्नेहरूमा प्युठान स्वर्गद्धारी नगरपालिका–२ बस्ने ३९ वर्षिय निम बहादुर आले, प्युठान नौबहिनी गाउँपालिका २ बस्ने २१ वर्षिया देउकली बुढामगर र जिल्ला रोल्पा त्रिवेणी गाउँपालिका ७ बस्ने २९ वर्षिय प्रकाश घर्ती मगर रहेका जिल्ला प्रहरी कार्यालय दाङका प्रहरी प्रवक्ता ईश्वर थापाले जानकारी दिए ।

प्रवक्ता थापाको नेतृत्वमा रहेको प्रहरी टोलीले २४ किलो ७१० ग्राम अवैध लागुऔषध चरेससहित तीन जनालाई पक्राउ गरेको हो ।

उनीहरू घोराही उपमहानगरपालिका–१३ सिर्जनशिल टोलस्थित रहेको कुलबहादुर बस्नेतको घरको तल्लो फल्याटमा कोठा भाँडा लिइ बस्दै आएका थिए । भान्साकोठामा प्लाष्टिकको ड्रम भित्र लुकाएर राखेको अबस्थामा २४ किलो ७१० ग्राम तौल भएको लागुऔषध (चरेश) जस्तो देखिने पदार्थ बरामद गरेको प्रहरीले जनाएको छ ।

तीनै जनालाई नियन्त्रणमा लिइ थप अनुसन्धान भइरहेको प्रहरीले बताएको छ ।