एसएसपी श्यामकृष्ण अधिकारीले सम्हाले ललितपुर प्रहरी प्रमुखको जिम्मेवारी

ललितपुर जिल्ला प्रहरी प्रमुखको जिम्मेवारीमा सरुवा भएका एसएसपी श्यामकृष्ण अधिकारीले ललितपुर प्रहरीको कमाण्ड सम्हालेका छन्।

सोमबार जाउलाखेलस्थित जिल्ला प्रहरी परिसर ललितपुरमा एसएसपी अधिकारीलाई सलामीसहित बिशेष स्वागत गरिएको हो ।

प्रहरी संगठनमा व्यवसायिक अधिकृतका रुपमा परिचय बनाएका अधिकारीले स्वागत कार्यक्रममा मातहतलाई निर्देशन समेत दिएका थिए ।

केही दिनअघि गृह मन्त्रालयले अधिकारीलाई ललितपुर प्रहरी प्रमुखमा सरुवा गरेको थियो । तत्कालिन प्रमुख शेखर खनालको सरुवा भएपछि अधिकारी त्यहाँको कमाण्डमा खटाइएका हुन् ।