काठमाडौँको धोबिखोलामा कार खस्यो

काठमाडौंको अनामनगरस्थित मदन भण्डारी कलेज नजिकै धोबिखोलामा एउटा कार खसेको छ।

बिहान ६ बजे भएको यो दुर्घटनामा चालक सकुसल रहेका छन् । बा एए ८७१४ नम्बरको हुन्डेआइ कार दुर्घटनामा परेको हो ।

कार अनामनगरबाट बानेश्वर जाँदै थियो । कार ललितपुर महानगरपालिका–१ का ४६ वर्षीय विनोदविक्रम सिजापतिले चलाएका थिए । उनी सकुशल रहेको एसपी नवराज अधिकारीले जानकारी दिए । अहिले कार खोलाबाट निकाल्ने काम भइरहेको छ । दुर्घटनाको कारण खुलन सकेको छैन ।