कुवेतबाट काठमाडौं आउदै गरेको विमानमा एक यात्रुको मृत्यु

कुवेतबाट काठमाडौं आउँदै गरेको हिमालयन एयरलाइन्सको उडान नम्बर एच ९५७२ मा सवार एक नेपाली यात्रुको मृत्यु भएको छ।

विमानले स्थानीय समयअनुसार २ बजेर ३४ मिनेटमा कुवेतबाट उडान भरेको थियो।

उडानकै क्रममा केही घण्टापछि ती यात्रुको स्वास्थ्यमा समस्या देखिएपछि विमानलाई आपतकालीन अवतरणका लागि ओमानको मस्कट विमानस्थल लगिएको थियो। मस्कटमा चिकित्सकले ती यात्रुको मृत्यु पुष्टि गरेपछि विमानलाई पुनःकुवेततिरै फिर्ता गरिएको हो।

मृतकको नाम र परिचय हालसम्म सार्वजनिक गरिएको छैन।  नियमित तालिका अनुसार बिहान ९ बजेर १० मिनेटमा काठमाडौं अवतरण गर्ने भनिएको विमान आज साँझ ७ बजे मात्रै त्रिभुवन अन्तर्राष्ट्रिय विमानस्थलमा अवतरण गर्ने भएको छ।