सशस्त्र प्रहरीमा ११७९ जनाका लागि भर्ना खुल्यो (विज्ञापनसहित)
१९ पुष २०८१ ७:१८
सशस्त्र प्रहरी बल नेपालले विभिन्न पदमा १ हजार १ सय ७९ जनाका लागि नयाँ भर्ना खुला गरेको छ ।
सशस्त्र प्रहरी बल नेपालले आज एक सूचना जारी गर्दै रिक्त पदपूर्तिका लागि सशस्त्र प्रहरी निरीक्षक, सशस्त्र प्रहरी सहायक निरीक्षक, सशस्त्र प्रहरी जवान र परिचर पदमा नयाँ भर्ना खुला गरेको हो ।
सशस्त्र प्रहरी बलले निरीक्षक पदमा खुला ३६ सहित ६८ जना, सहायक निरीक्षक पदमा खुला ४५ सहित ८३, सशस्त्र प्रहरी जवान पदमा खुला ५०७ सहित ९४१ र परिचर पदमा खुला ४७ सहित ८७ जनाका लागि भर्ना खुलाएको हो ।
परिचरतर्फ भान्छे, कुचीकार, सूचिकार, केशकर्तक, चर्मकर्मीका लागि भर्ना खुलेको छ ।
सशस्त्र प्रहरी निरीक्षक, सशस्त्र प्रहरी सहायक निरीक्षक, सशस्त्र प्रहरी जवान र सशस्त्र प्रहरी परिचर पदका लागि पुस २४ गतेदेखि माघ २४ गतेसम्म अनलाइनमार्फत दरखास्त फारम बुझाउन सकिने छ । दोब्बर दस्तुर तिरेर माघ २८ गतेसम्म फारम बुझाउन सकिने छ ।
हेर्नुहोस् विज्ञापनः
प्रतिक्रिया