महोत्तरी कारागारमा थुनामा रहेका सुनुवारको मृत्यु
७ पुष २०८१ १५:३०
फाइल तस्बिर ।
महोत्तरी कारागारका एक थुनुवाको मृत्यु भएको छ ।
लागुऔषध दुर्व्यसन तथा कारोबार मुद्दामा पूर्पक्षका लागि थुनामा रहेका सिन्धुलीको कमलामाई नगरपालिका–७ का ३० वर्षीय निशाज सुनुवारको हृदयघातबाट मृत्यु भएको कारागार प्रशासनले जनाएको हो ।
जिल्ला अदालत महोत्तरीको आदेशमा छ महिनादेखि थुनामा रहेका उनलाई आज बिहान स्वास्थ्यमा असजिलो महसुस भएपछि तत्काल जलेश्वर अस्पताल पुर्याइएको थियो ।
हृदयघातबाट निजको मृत्यु भएको चिकित्सकले जनाएको कारागारका सूचना अधिकारी रविनचन्द्र ठाकुरले जानकारी दिए ।
सम्बन्धित समाचार
प्रतिक्रिया