६८ लाख नगद, चेक र क्रेटा गाडीसहित गाैशालाबाट समातिए हुण्डी काराेबारी
३ पुष २०८१ १२:३५
प्रहरीले काठमाडौँ महानगरपालिका–९ सिनामंगलस्थित शम्भुमार्गमा मंगलबार स्रोत नखुलेको ६८ लाख रुपैयाँ नगदसहित चार जनालाई पक्राउ गरेको छ।
पक्राउ परेकाहरूमा काठमाडौँ महानगरपालिका–३२ दोभानपुल निवासी ४६ वर्षीय राजकुमार माली, नयाँ बानेश्वर बस्ने १८ वर्षीय किशोर, झापा अर्जुनधारा नगरपालिका–७ घर भएका ३२ वर्षीय प्रवेश कुमार पौडेल, र झापा बिर्तामोड नगरपालिका–५ निवासी २७ वर्षीय युवराज सुवेदी रहेको प्रहरी परिसर काठमाडाैंले जनाएकाे छ ।
प्रहरी वृत्त गाैशालाबाट खटिएको टोलीले प्रदेश ३–०१०२२ च १९७२ नम्बरको कार रोकी जाँच गर्दा नगदसहित उनीहरूलाई पक्राउ गरेको हो। शम्भुमार्गमा गरिएको जाँचका क्रममा नगदको स्रोत नखुलेपछि उनीहरूलाई थप अनुसन्धानका लागि नियन्त्रणमा लिइएको प्रहरीले जनाएको छ।
हाल पक्राउ परेका चारै जनामाथि अनुसन्धान अगाडि बढाइएको छ भने स्रोत नखुलेको नगदको विषयमा कानुनी प्रक्रिया अघि बढाइने जनाइएको छ।
सम्बन्धित समाचार
प्रतिक्रिया