काठमाडौंका पूर्वमेयर सिंहको निधन
१ पुष २०८१ ९:२३
काठमाडौं महानगरपालिकाका पूर्वमेयर प्रेमलाल (पीएल) सिंहको निधन भएको छ । ८८ वर्षीय सिंहको काठमाडौँको ठमेल चाक्सीबारीमा गएराति १ बजे निधन भएको हो ।
लामो समयदेखि अस्वस्थ रहेका सिंहको गत वर्ष पेटको शल्यक्रिया गरिएको थियो । २०४९ सालमा नेपाली कांग्रेसबाट काठमाडौं नगरपालिकाको मेयर निर्वाचित भएका सिंह कांग्रेसबाटै सांसद समेत भए ।
उनले लौहपुरुष गणेशमान सिंहको प्रमुख सहयोगी भएर समेत काम गरेका थिए । तर कांग्रेसको राजनीतिबाट वितृष्णा जागेको भन्दै केही वर्षदेखि उनी निष्कृय थिए ।
पछिल्लो समय गणेशमान सिंहका छोरा एवम् वर्तमान उपप्रधानमन्त्री तथा शहरी विकास मन्त्री प्रकाशमान सिंहको निवासमा बस्दै आएका उनको सिंहकै निवासमा निधन भएको हो । सिंहका स्वकीय सचिव युपी लामिछानेका अनुसार उनका एक भाई र दुई बहिनी छन् ।
प्रतिक्रिया