कर्णालीविरुद्ध टस जितेर फिल्डिङ गर्दै काठमाडौँ गुर्खाज
१९ मंसिर २०८१ ९:२५
नेपाल प्रिमियर लिग (एनपीएल)मा कर्णाली याक्सविरुद्ध काठमाडौँ गुर्खाजले पहिले फिल्डिङ गर्ने भएको छ ।
बुधबार कीर्तिपुरस्थित त्रिवि क्रिकेट मैदानमा हुने खेलका निम्ति भएको टस जितेर काठमाडौँले फिल्डिङको निर्णय लिँदै कर्णालीलाई ब्याटिङमा निम्त्याएको हो ।
काठमाडौँको टोलीमा अघिल्लो खेल खेलेको टोलीबाट एक खेलाडी परिवर्तन गरिएको छ । अलराउन्डर ड्यान डाउथवेटको स्थानमा लेग स्पिनर नथान साउटरलाई खेलाइरहेको छ । कर्णालीले लेग स्पिनर मौसम ढकालको स्थानमा ट्यालेन्ट हन्टबाट आएका देव्रेहाते स्पिनर विपिन शर्मालाई खेलाएको छ ।
काठमाडौँबाट माइकल लेभिट, स्टेफन इस्केनाजी, शंकर राना, भीम सार्की, सुमित महर्जन, जेहरार्ड इरसमस, करण, रशिद खान, नथान साउटर, शाहव आलम र दीपेश कँडेल प्लेयिङ ११ मा खेलिरहेका छन् ।
यस्तै, कर्णालीबाट देव खनाल, शिखर धवन, चाडविक वाल्टन, बाबर हायत, जेसन मक्सुद, गुलशन झा, अर्जुन घर्ती, सोमपाल कामी (कप्तान), भुवन कार्की, नन्दन यादव र विपिन शर्मा खेलिरहेका छन् ।
काठमाडौँ पहिलो खेलमा चितवन राइनोजसॅग ५ विकेटले र कर्णाली आफ्नो पहिलो खेलमा जनकपुर बोल्ट्ससॅग ८ विकेटले पराजित भएको थियो ।
सम्बन्धित समाचार
प्रतिक्रिया